عراق الاماني
اهلا وسهلا بك عزيزي الزائر اذا كنت مسجل لدينا فتشرف بالدخول واذا لم تكن لدينا مسجل فشرفنا بتسجيلك ....عراق الاماني حيث للاصالة عنوان


منتدى العراقين والعرب كل ماتحتاج اليه من ترفيه ومعلومات ورياضة ستجده في منتدانا
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 بابا جلال ... بابا لأيتام العالم

اذهب الى الأسفل 
كاتب الموضوعرسالة
محمدابوجعفر
صاحب المنتدى
صاحب المنتدى
avatar

الجنس : ذكر عدد المساهمات : 171
نقاط : 407
تاريخ التسجيل : 18/06/2010
العمر : 49

مُساهمةموضوع: بابا جلال ... بابا لأيتام العالم    الأربعاء 30 مارس - 0:49

بابا جلال ... بابا لأيتام العالم

حبيب العربنجي

اشتريت كتاب علامات يوم القيامة...هيچ ونسة ..وگعدت وي أنيس وحدتي أشرب وأگلب بالكتاب ..صفحة...صفحتين...علامة ...علامتين......
بيك...جاجيك...لبن مدخن...صفحة...صـــفحة...صبحة....صبحة...صببببببببببببببببحة

............

هاي شوصلني للهند في ولاية كالكوتا...بنفس المكان إللي اندفنت فيه الام تيريزا (توفيت سنة 1997)...
ملايين من البشر ما تعرف منو ضد العملية السياسية الهندية ومنو يعارض تقليل البهارات في البرياني الهندي..
وما تعرف منو يشجع ريال مدريد ومنو يشجع نادي البيشمركة...ما تعرف منو جاي من دولة مفدرلة مدمقرطة متحررة متبورة (يعني مضروبة بوري)...
لو منو جاي من دولة مليانة قهر وعذاب عبالك فلم نحن لا نزرع الشوك.
ومن بين هاي الملايين چانت حلوة الحليوات وجميلة الانس والجن شكلاً وروحا وإنسانية إنجلينا جولي..
صاحبة أشهى الشفايف في الملة الاولى والآخرة وهي تبچي وتلطم أضبط من جماعتنا ويمكن تعلمت هاي الطريقة العراقية
باللطم بعد ما زرات بغداد قبل سنتين وأشوية أو تعلمتها من صعوبة حياتها وي براد بيت وخاصة هي ما تعرف تطبخ تشريب باميا إللي يحبه براد بيت وكل اشوية صاير عصبي عليها وداير الجدر على راسها.

وآني وي نفسي گلت أخاف هذولة كومبارس لفيلم هندي ..وأستخدمت الكلمة السحرية العراقية حتى أعرف شنو السالفة...
رحت وگفت عد إنجلينا جولي...وگلتلها " شكو ماكو"
حتى تبدي تنطيني التقرير الرسمي وأعرف شنو وليش ومن وين وعسى ولعل وسوف وحبذا ودواليك وكل من يحن الهله وأنا إلك..إلك حنيت...
عيوني الله يسلم عيونج إنجلينا...شكو ماكو ؟؟ وما أشوف إلا إنجلينا ضربت نفسها ضرب يا فحل...
ولطمت لطم عبالكم وحدة علوية...وطبطبت عليها...وإخذتها فرصة هي بالحقيقة مو طبطبة عراقية...سويتها طبطبة هوليوودية.

المهم...بعد ما جرّت إنجلينا نفس.. والحشود المليونية كلها تصيح " الشعب يريد تكذيب الكلام...الشعب يريد تكذيب الكلام"..
وگالت دا تشوف هذولة المساكين المليونية...هذولة كلهم أيتام ألأم تيريزا إللي تلفت عمرها وياهم في كلكوتا......
هذولة جايين يشكون حالهم عد قبر الأم تيريزا ...

العربنجي: إي بس ليش هذا التجمع المبارك...شنو اليوم عدكم يوم جمعة في كلكوتا؟؟

إنجلينا : إني كتبت على موقعي الالكتروني وطالبت كل اليتامى في الهند والعالم بالتجمع في ساحة الام تيريزا
في كلكوتا-الهند للتعبير عن إستنكارهم للمحاولة الخبيثة من البرلمان العراقي لتقليص المخصصات الرئاسية للرئيس العراقي وطاقم مكتبه...

العربنجي: يمعودة إنجلينا شنو إنتي سكرانه لو سامعة أخبار روتانا...شنو إشبيج يمعودة..يعني شوفتيني رچيچ الحال يمعودة قشمريتي؟

إنجلينا: شنو ما تسمع أخبار قناة العراقية...صوت الحقيقة؟

العربنجي: البارحة هو اليوم الوحيد إللي ما چان عدنا كهرباء من 15 سنة.شلون بخت..ليش خير !!

إنجلينا : عزااااااااااااااا....شلون بخت يا ربي....وا...مخصصتاه...وا رئاستاه...وايتامااااااه

العربنجي: يمعودة لا تسويها لطمية عالهريسة..فهميني شنو السيناريو (مو حتى تفتهم لازم أحچي بلغة السينما)

إنجلينا: مو أنتو ما تدرون إن مام جلال (آويلي عليها من تگول مام جلال...موطا وساحت) هو إشگد إنسان يحب الخير !!
صح هو نوبات ينسى نفسه رئيس...بس هاي من تواضعه مو غير شي..
مو الله يحفظ مام جلال (آويلي راح أدوخ) كل شهر ينطيني المقسوم (هي گالت هيچ) وآني أوزعها صدقة على روح الأم تيريزا وعلى الأيتام في الهند..
لأن ماكو فقراء ولا أيتام ولا أرامل بالعراق ومام جلال حاير شلون يسوي خير ببلد ما بيه لا فقير ولا يتيم و لا (آس) لگن...

العربنجي: إي...ولو ما أفتهمت شنو يعني (آس) لگن...بس كملي وبعدين

إنجلينا: نعلة على (آس ) الديمقراطية...شنو ذنب هذولة الأيتام بالهند؟

العربنجي: شنووووووووووووووو

إنجلينا: مو يريدون يقلصون مخصصات مام جلال...عبالهم هاي المخصصات تروح بجيب شرواله ...
مو دا تشوف هاي الحلوگ الجائعة والمفتوحة...آويلي عليّ شلون راح أوكل كل هاي الحلوگ...
وشراح أگول للأم تيريزا وهي وصتني بيهم خيراً گالت لي قبل ما تموت " إنجلينا...اوصيك بأيتام الهند خيرا" ...ليش تريدون تمنعون الخير...

العربنجي : ليش مام جلال ياخذ مخصصات وراتب؟؟؟ هاي أول مرة أسمع رئيس دولة ياخذ راتب...ومنو مدير الحسابات مالته؟؟
ليش البلد مو كله مال أبو إللي خلفوه ؟؟

إنجلينا: ولك إشبيك...شنو ما تعرف الرئيس بالدول الديمقراطية يعتبر موظف بالدولة

العربنجي : صـــــــــــــــــــــــــــــــدددددددگ !!!! يعني من يطلع إجازة مرضية بباريس لو بواشنطن هم يقطعون چم فلس من عنده؟

إنجلينا: إي

العربنجي: خطية مام جلال راح بالزلگ لأن صحته نص ردن...يعني نص راتبه راح يطير إجازات مرضية...
ولكم صدگ ما تستحون جايين راكضين ورا تريدون راتبه

إنجلينا : إن شاء الله الخبر چذب

وگامت صعدت على دچة وتصيح " الشعب يريد تكذيب الكلام"

ونزلت تبچي...وآني گعدت يمها أبچي ...صح آني عراقي وأموري عدلة لا فرد يوم شايف يتيم ولا قهر ولا أعرف شنو يعني الكلينكس ...
بس بصراحة هي من تبچي الدنيا كلها تصير بچي وأيتام وضحايا تسونامي.

گعدنا نبچي والملايين يبچون ويانا...ورفعنا أيادينا وأصواتنا بدعاء كل من إلى رب يعبده...
الهندوسي يدعو الإله مالته (شيفا) وإنجلينا تدعو (اليسوع) وآني أدعو الرب مالتي ...

" إلهي...فرد تكذيب للخبر....إن شاء الله ماكو هيچ خبر...يا رب شنو ذنب هذولة المساكين...
ربي يمعود خلي يطلع علي أبو الدبغة على القناة الهندية ويكذب الخبر...
يعني الحكومة العراقية طول عمرها تگول الحقيقة خليها هاي أول چذبة بالحكومة العراقية...إلهي صح آني مو خوش...
بس إنجلينا كلش خوش شكلاً وطعما...وإنت تعرف الباقي"

وما گدرت إنجلينا تكمل بچيها وياي...وصارت وي الجماهير المليونية الحاشدة إللي كلها دا تصيح..."الشعب يريد تكذيب الكلام"...
وآني باوعت على إيدي وشفتها ملينانة دموع إنجلينا...وردت أغسل وجهي بهاي الدموع المباركة بلكن الله يباوع على چهرتي وراح يتصورني مو عراقي
ويقبل دعائي...وغلست وجهي...وهووووووووووووب گعدت من النوم...لا إنجلينا ولا مظاهرة ولا ما اعرف شنو..
وكتاب علامات يوم القيامة مفتوح على صفحة ...ظهور الدجال..وصفات الدجال...
وشلون الدجال يصير عنده فلوس والناس تموت من الديمقراطية...ويا ستار...شفت ألف واحد ببغداد بيهم مواصفات الدجال...

وتذكرت...هسة وكت تشغيل المولدة من الساعة ثمانية لحد الساعة عشرة بالليل...وفتحت على قناة العراقية...صوت الحقيقة...
وسمعت أحلى بشارة...ولا بشارة الخوري...گالت المذيعة أن مكتب رئيس الجمهورية يطالب مجلس النواب العراقي بعدم تقليص رواتب ومخصصات السيد الرئيس...وطبعا من الرئيس يطالب في الدول المدمقرطة..يعني أمر لازم التنفيذ وجوباً..
وإحنا والديمقراطية (آسين) فرد لباس...يعني هذا الطلب واجب التنفيذ حتى لو غيابياً وبأثر رجعي للضرورة الإنسانية
حتى نطعم الحلوگ الجائعة بالهند لخاطر عيون وشفايف إنجلينا...حتى لو بالحلم!

بس ترى إللي يحلم بإنجلينا كل شي راح يتغير بحياته....والتغيير إللي صار بحياتي...صرت بس أصيح " العربنجي يريد تغيير المدام" .





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بابا جلال ... بابا لأيتام العالم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عراق الاماني :: المـنــتديــات العــامــة :: المنتدى السياسي-
انتقل الى: