الاول
اشلونك واشلون ابوك .... انشالله صار زين؟؟؟
الثاني
آني زين الحمد لله ... بس الوالد انطاك عمره
الاول
العمر إلك آني اعرف بي قلب و رجل كبير وعمره85 سنة ... يالله الله يرحمه
الثاني
بس والله ما مات من القلب
الأول
لعد اشلون مات ؟؟؟؟
الثاني
الله ايرحمه بآخر ايامه ضعف نظره وطلع بالبالكون ومشاف الحافة و وگع وتعرف احنة بيتنا طابق ثالث
الأول
لالالا على هاي الموته ... بس هم الله يرحمه
الثاني
والله اتعذبنا بي هوايه ... سويناله عشر عمليات يالله اتحسن
الأول
لعد اشلون مات ؟؟؟؟؟
الثاني
صار يمشي على عكازة ... ومرة ديعبر الشارع و دعمته سيارة
الأول
لالالا ... الله يرحمه
الثاني
ربك رحيم ... مر من يمّه جيرانّه وحطّه بالسيارة و نقله للمستشفى بس النزيف الداخلي جان رهيب
الاول
الله ايرحمه بكل الاحوال
الثاني
بس سفّرنا لسبانيا وبقينا يمه ستة اشهر واتحسنت حالته
الاول
لعد اشلون مات راح اتخبل
الثاني
صار بي فشل كلوي حاد و ردنة واحد يتبرع ... ما لگينا وصار بي تسمم
الأول
يالله ارتاح ... الله ايرحمه
الثاني
بالصدفة اجه واحد ايعرفه من زمان و اتبرعله
الأول
متگلي اشلوووووووووووووون مات ؟؟؟؟؟
الثاني
گاعد بالبيت و الغاز مشعول و احترگ البيت
الأول
ايبااااااااااااخ اشلون موته رهيبة
الثاني
بس والله جارنا الله ايجازي بالخير ... كسر الباب و نقذه
الأول
متفهمني اشلون مات
الثاني
والله اضطرينا انضربه طلقتين براسه يالله مات